विदेशमा कोरोरानाले रोजगारी गुमाएकाहरुलाई कृषि सामाग्री वितरण

नमस्ते खोटाङ संवाददाता–
खोटाङ, मङ्सिर ४– दिक्तेल रुपाकोट मझुवागढी नगरपालिकाले विदेशमा कोरोनाले रोजगारी गुमाएका तथा विदेशबाट फर्किएका युवाहरुलाई कृषि सामाग्री वितरण गरेको छ । वैदेशिक रोजगारीमा विदेश गएकाहरुको कोरोनाले रोजगारी गुमेका र विदेशबाट फर्किएका युवालाई मङ्सिर ४ गते कृषि सामग्री वितरण गरेको हो ।
नगरपालिकाका कृषि प्रसारअधिकृत धर्मेन्द्र कलौनीका अनुसार कोरोनाले रोजगारी गुमेका र विदेशबाट फर्किएका एक सय जनालाई प्लाष्टिक टनेल, थोपा सिचाई सेट, आइपिएम, स्प्रीङकल सहितको गार्डेन पाइप लगायतका कृषि सामग्री वितरण गरिएको हो । कृषि क्षेत्रलाई रोजगार मुलक बनाउ“न कृषि सामाग्री वितरण गरिएको नगरप्रमुख दीपनारायण रिजालले बताए । नगरपालिकाको आर्थिक वर्ष २०७७÷०७८ को स्वीकृत कृषि विकास शीर्षकको बजेटबाट उक्त सामाग्री वितरण गरिएको कलौनीले सुनाए ।
तस्बिर सौजन्य : दिक्तेल रुपाकोट मझुवागढी नगरपालिका ।