मङ्सिरमा शहीद मुक्सन स्मृति भलिबल प्रतियोगिता हुने

सविना अछामे–
खोटाङ, कात्तिक १२–आगामी मङ्सिरको अन्तिमसाता खोटाङमा ‘शहीद मुक्सन किराँत स्मृति जिल्लास्तरीय खुला पुरुष भलिबल प्रतियोगिता हुने भएको छ । शहीद मुक्सन किराँत स्मृति केन्द्र खोटाङको आयोजनामा दिक्तेल रुपाकोट मझुवागढी नगरपालिका–५, लफ्याङस्थित शहीद स्मारक स्थलमा मङ्सिर २५ गतेदेखि खुला जिल्लास्तरीय पुरुष भलिबल प्रतियोगिता हुने भएको हो ।
प्रतियोगितामा विजेताले एक लाख र उपविजेताले ६० हजार नगद, ट्रफी, मेडल र प्रमाणपत्र पाउने कात्तिक १२ गते दिक्तेलमा पत्रकार सम्मेलन गरी जानकारी गराइएको हो । प्रतियोगिताका संयोजक जितेन्द्र राईका अनुसार विद्यागत खेलाडीहरू समेत नगद सहित पुरस्कृत गरिने छ । यस अन्तरगत सर्वोत्कृष्ट हुनेलाई नगद तीन हजार तथा उत्कृष्ट लिबेरो, उत्कृष्ट मिडल ब्लकर, उत्कृष्ट सेटर, उत्कृष्ट स्पाईकर, उत्कृष्ट सर्भरलाई जनही दुई÷दुई हजार प्रदान गरिने राईले जनाएक ।
शहीद किराँतको स्मृति र योगदानलाई जीवन्त राख्दै खोटाङ जिल्लामा भलिबल खेलको विकास र विस्तार गर्ने उद्देश्यले प्रतियोगिता आयोजना गरिएको स्मृति केन्द्रका अध्यक्ष बबि चाम्लिङले बताए ।