दिक्तेल बजारको रुप फेरिदै

सविना अछामे–
खोटाङ, भदौ २२–दिक्तेल बजारको सडक ढलान भएपछि बजारको मुहार फेरिएको छ । दिक्तेलको रत्नपार्क किरात चौकदेखि संगमटोल, त्रिवेणीचौकदेखि लोकसेवा र पुष्पलाल मार्ग ढलान भएपछि दिक्तेल बजारको मुहार फेरिएको हो ।

किरात चौकदेखि संगमटोलसम्मको करिब छ सय मिटर सडक शहरी विकास तथा भवन निर्माण विभागको तीन करोड २८ लाख रुपैया“को लागतमा निर्माणाधीन अवस्थामा छ । त्यस्तै त्रिवेणीचोकदेखि लोकसेवा आयोगको कार्यालयसम्म दिक्तेल रुपाकोट मझुवागढी नगरपालिकाको एक करोड तीन लाख लागतमा करिब दुई सय ५० मिटर सडक निर्माण सकिएको हो ।

त्यसै गरी नगरपालिकाकै ५१ लाख ६० हजार तीन ३६ लागतमा भवनगैरास्थित पुष्पलाल चोकदेखि कृषि ज्ञान केन्द्रसम्मको करिब दुई सय ३९ मिटरको सडक ढलान भएपछि बजारले रुप फेरेको हो । प्रदेश नं १ सरकारको ५५ लाखको लागतमा पुरानो बैङ्कचोकदेखि झिसेपु मन्दिर जाने सडक खण्डमा दुई सय ५४ मिटर ढलान भएको छ । यसले झनै बजारको रुप फेरिएको छ ।