दिक्तेलको विकासे योजना अनुगमन

नमस्ते खोटाङ संवाददाता–
खोटाङ, जेठ २४–दिक्तेल रुपाकोट मझुवागढी नगरपालिकाले दिक्तेलबजार क्षेत्रभित्र निर्माणाधीन विकासे योजनाहरुको अनुगमन गरेको छ । नगरप्रमुख दीपनारायण रिजाल, उपप्रमुख विणादेवी राई, राजनीतिक सल्लाहकार कमल ढकाल लगायतका प्राविधिक टोलीले योजना अनुगमन गरेको हो ।
जेठ २४ गते दिक्तेल बजारको ढलान (रत्नपार्कदेखि संगमटोल) बैंकचोक–झिसेपु ढलान, त्रिवेणीचौक–लोकसेवा आयोगसम्मको सडक ढलान, मनोजमार्ग बाटो निर्माण, त्रिवेणीचोक–लयालु बाटो निर्माण, अल्सेढुङ्गा सडक ढलान, बजारक्षेत्रको विद्युत तार व्यवस्थित तथा दिक्तेल शहरी खानेपानी आयोजना अनुगमन गरिएको नगरपालिकाले जनाएको छ । उक्त योजनाहरु छिट्टै नै सम्पन्न हुने नगरपालिकाले जनाएको छ ।