दिक्तेलमा आरडीटी पोजिटिभ देखिएका दुई जनाको पीसीआरका लागि स्वाब सङ्कलन गरियो, स्वाब काठमाडौं पठाउने तयारी

नमस्ते खोटाङ संवाददाता–
खोटाङ, जेठ १९–दिक्तेल रुपाकोट मझुवागढी नगरपालिकामा आरडीटी पोजिटिभ देखिएकाको पीसीआरका लागि स्वाब सङकलन गरिएको छ । जेठ १८ गते दिक्तेलमा गरिएको आरडीटी परीक्षणमा दुई जनामा पोजिटिभ देखिएको थियो । दुबै जनाको स्वाब सङ्कलन गरेर काठमाडौंस्थित राष्ट्रिय जनस्वास्थ्य प्रयोगशालामा पठाउन लागिएको जिल्ला अस्पतालका चिकित्सक शैलेष श्रेष्ठले बताए ।
जन्तेढुङ्गा गाउ“पालिकामा थप दुई सहित पाच जनाको आरडीटी परीक्षण पोजिटिभ देखिएपछि उनीहरुको स्वाब सङ्कलन गरेर विराटनगरस्थित कोशी अस्पतालमा पठाइएको छ । उक्त पालिकामा जेठ १८ गते गरेको आरडीटी परीक्षणमा दुई र जेठ १६ गते पनि तीन जनाको आरडीटी रिपोर्ट पोजिटिभ देखिएको थियो ।
ऐलेलुखर्कमा आरडीटी पोजिटिभ देखिएका सात सहित त्यहा“का १९ जनाको स्वाब सङ्कलन गरेर काठमाडौंस्थित राष्ट्रिय जनस्वास्थ्य प्रयोगशालामा जेठ १८ गते पठाइएको डा. श्रेष्ठले सुनाए । हलेसी तुवाचुङ नगरपालिकामा आरडीटी पोजिटिभ देखिएका दुई सहित अन्य ३३ जनाको स्वाब सङ्कलन गरेर कोशी अस्पताल पठाइसकिएको डा. श्रेष्ठले जनाए ।