फ्रन्ट लाइनमा बसेर काम गर्नेको पीसीआर परीक्षणमा पठाइयो

नमस्ते खोटाङ संवाददाता–
खोटाङ, जेठ १२–फ्रन्ट लाइनमा बसेर काम गर्ने सहित अन्य ८५ जनाको पीसीआर परीक्षणका लागि स्वाब सङ्कलन गरेर राष्ट्रिय जनस्वास्थ्य प्रयोगशाला काठमाडौं पठाइएको छ । जेठ १२ गते जिल्लामा फ्रन्ट लाइनमा बसेर काम गर्ने स्वास्थ्यकर्मी, सुरक्षाकर्मी, पत्रकार, चालक, बैंकर लगायतकाको स्वाब सङ्कलन गरेर पठाइएको हो ।
जिल्ला अस्पताल खोटाङ र दिक्तेल रुपाकोट मझुवागढी नगरपालिकाको संयुक्त संयोजनमा दिक्तेलस्थित सरस्वती माविमा संकलन गरिएको हो । यसमध्ये पत्रकार पा“च जना, सुरक्षाकर्मी (नेपाल प्रहरी) आठ जना, स्वास्थ्यकर्मी १४ जना, दिक्तेल रुपाकोट मझुवागढी नगरपालिकाका कर्मचारीहरु २० जना, विभिन्न बैंकका कर्मचारीहरु ८ जना र दिक्तेल माटिकोरे कभर्ड हल क्वारेन्टाइनमा रहेका १५ जना गरी ८५ जनाको स्वाब सङ्कलन गरेर पठाइएको दिक्तेल रुपाकोट मझुवागढी नगरपालिकाकी दीक्षिता शाक्यले बताइन् । यसबाहेक अन्य एक सय ५ जनाको पीसीआर परीक्षण गरिसकिएको र यसमध्ये एक जनामा कोरोना भाइरस पुष्टि भएको जिल्ला अस्पतालका चिकित्सक शैलेष श्रेष्ठले बताए ।