हलेसी तुवाचुङ नगरपालिकाका ३४ जनाको पीसीआर परीक्षण गर्न पठाइयो

नमस्ते खोटाङ संवाददाता–
खोटाङ, जेठ ३–जिल्लाको हलेसी तुवाचुङ नगरपालिकाबाट जनप्रतिनिधि, स्वास्थ्यकर्मी, सुरक्षाकर्मी, वडा सचिवसहित ३४ जनाको पीसीआर टेष्टका लागि थ्रोट स्वाब पठाइएको छ । कोरोना भाइरसको संक्रमण भएर÷नभएको यकिन गर्न नगरपालिकाका २ जना जनप्रतिनिधि, २ जना स्वास्थ्यकर्मी, ३ जना सुरक्षाकर्मी, १ जना वडासचिव, क्वारेन्टाइनमा बसिरहेका १ जना र काठ्मण्डौंबाट उद्धार गरेर घर ल्याइएपछि होम क्वारेन्टाइनमा बसिरहेका २४ जनाको पीसीआर परीक्षणका लागि स्वाव पठाइएको हो । उनीहरुको स्वाव संकलन गरेर जेठ २ गते विपी कोइराला स्वास्थ्य विज्ञान प्रतिष्ठान धरान पठाइएको नगरपालिकाका स्वास्थ्य सह–संयोजक प्रकाश घिमिरेले बताए ।
कामका सिलसिलामा आशंका गरिएको व्यक्तिको नजिकमा बढी पुगेका जनप्रतिनिधि, स्वास्थ्यकर्मी, सुरक्षाकर्मी, वडा सचिव लगायतको स्वाव पीसीआर टेष्टमा पठाइएको हो । तीन दिनभित्रमा ३३ जनाको पिसिआर रिपोर्ट आउने नगरपालिकाले जनाएको छ ।
११ वडा रहेको हलेसी तुवाचुङ नगरपालिकाका विभिन्न क्वारेन्टाइनमा हाल ९ जना छन् । हालसम्म क्वारेन्टाइनबाट ३४ जना घर फर्किसकेका छन् । क्वारेन्टाइनमा दुई जना नगरपालिकाकै कर्मचारीलाई समेत राखिएको छ ।