आरडीटी पोजिटिभ भएकाको पिसिआर नेगेटिभ

नमस्ते खोटाङ संवाददाता–
खोटाङ, बैशाख ३०–साकेला गाउ“पालिका–२ रतन्छाका दुई जनामा आरडीटी पोजिटिभ देखिएपछि गरिएको पिसिआर भने नेगेटिभ देखिएको छ । बैशाख २९ गते आरडीटीमा ५८ र २३ वर्षीयमा पोजिटिभ देखिएपछि विराटनगरस्थित प्रदेश जनस्वास्थ्य प्रयोगशालामा बैशाख ३० गते पिसिआर गर्दा नेगेटिभ देखिएको हो ।
उनीहरुमध्ये साकेला माविमा बनाइएको क्वारेन्टाइनमा रहेका २३ वर्षे युवालाई घर पठाउने तयारी गरिएको साकेला गाउ“पालिका अध्यक्ष अर्जुनकुमार खड्काले बताए । अर्का ५८ वर्षीय भने होम क्वारेन्टाइनमै थिए ।