खोटाङ दलित उद्यमी सहकारीको अध्यक्षमा फेरि मिलन चाहार

  • प्रकाशित मितिः पुष 20, 2076
  • 162 पटक पढिएको
  • संवादताता

सविना अछामे-
खोटाङ, पुस २०–खोटाङ दलित उद्यमी सहकारी संस्था लिमिटेडको छैटौं साधारण सभाले मिलन चाहारलाई अध्यक्ष चुनेको छ । पुस १९ गते खोटाङ उद्योग वाणिज्य संघको सभा कक्षमा सम्पन्न साधारण सभाले १३ सदस्यीय कार्यसमिति चयन गरेको हो ।
सहकारीको उपाध्यक्षमा पर्शुराम विश्वकर्मा, अर्का उपाध्यक्ष रामकुमार हिङ्माङ, सचिव दीपक ठटाल, सहसचिव गङ्गा विश्वकर्मा, कोषाध्यक्ष भरुमाया“ मुग्रातीलाई छनौट गरेको हो । त्यस्तै सदस्यहरुमा लालबहादुर विश्वकर्मा, हर्कबहादुर विश्वकर्मा, कोपिला परियार, हरिबहादुर विश्वकर्मा, अनिता विश्वकर्मा, विक्रम लकान्द्री, रमेशकुमार परियार (आरके) छनौट भएका छन् । त्यस्तै सल्लाहकारहरुमा चर्चबहादुर विश्वकर्मा, गीता शंकर, खगेन्द्र राई, रमेश परियार (मोते), नैनबहादुर विश्वकर्मा छनौट भएको छ ।
साधारण सभामा एघार लाख आठ हजार शेयर पूजी प्रस्तुत गरिएको छ । यसको कुल नाफा ८० हजार प्रस्तुत गरिएको छ । जिल्ला समन्वय समिति खोटाङका सदस्य चर्चबहादुर विश्वकर्माको प्रमुख आतिथ्यमा सम्पन्न भएको हो । उक्त कार्यक्रममा नेकपा जिल्ला सचिवालय सदस्य रस्मी रमाइली, खोटाङ उद्योग वाणिज्यका उपाध्यक्ष तुङ्ग कालिकोटे, नेपाल निर्माण व्यवसायी संघ खोटाङका महासचिव खगेन्द्र राई लगायतको उपस्थिति थियो ।

प्रतिक्रिया दिनुहोस


Copyright © 2020 - नमस्तेखोटांग डट कम - सर्वाधिकार सुरक्षित