भरत दाहाललाई तत्काल रिहा गर्न त्रिमूल नेपाल खोटाङको माग

नमस्ते खोटाङ संवाददाता–
खोटाङ, असोज ४–त्रिमूल नेपाल जिल्ला कार्य समिति खोटाङले राजनीतिक विश्लेषक तथा त्रिमूल नेपाल पार्टीका अध्यक्ष भरत दाहाललाई तत्काल रिहा गर्न सरकारसँग माग गरेको छ ।
त्रिमूल नेपाल खोटाङका संयोजक विक्रम राईले जारी गरेको विज्ञप्तिमा दाहाललाई प्रहरीले पक्राउ गरेको घटनाप्रति आपत्ति जनाउँदै शीघ्र रिहाइको माग गरिएको हो ।
विज्ञप्तिमा असमान सुगौली सन्धिमार्फत नेपाललाई उपनिवेश बनाउँदै आएको, २००७ सालको जनआन्दोलन, २०१२ सालमा सुरु गरिएको भनिएको जनयुद्ध, राजा वीरेन्द्रको वंशनाश तथा २०६२÷०६३ को जनआन्दोलनलगायतका राजनीतिक घटनाक्रमबारे उल्लेख गरिएको छ। त्यसपछि १२ बुँदे सहमतिमार्फत नेपालका राजनीतिक दलहरूले राज्यसत्ताको रिमोट दिल्लीमा सुम्पिएको आरोपसमेत विज्ञप्तिमा लगाइएको छ ।
विज्ञप्तिमा पश्चिमी शक्तिको इशारामा मुलुकलाई तहसनहस बनाइएको तथा विशेषगरी युवापुस्तामा पैदा भएको असन्तुष्टि र निराशालाई प्रयोग गरी कथित ‘जेन–जी आन्दोलन’ सञ्चालन गरिएको दाबी गरिएको छ । उक्त आन्दोलनमार्फत बालेन÷सुशासनको नारा ल्याइएको र अमेरिकी ‘युथ काउन्सिल’को कठपुतली सरकार बनेको आरोपसमेत त्रिमूल नेपाल खोटाङले लगाएको छ ।
विज्ञप्तिअनुसार राजनीतिक विश्लेषक, चिन्तक तथा त्रिमूल नेपाल पार्टीका अध्यक्ष भरत दाहाललाई २०८३ असोज ८ गते मोरङको बेलबारीस्थित प्रहरीले सलकपुरबाट पक्राउ गरी काठमाडौं लैजाने भन्दै विराटनगर लगेको तर काठमाडौं पु¥याएर जानकारी विज्ञप्ती तयार हुदासम्म नपाएको उल्लेख छ ।
त्रिमूल नेपाल खोटाङले दाहालको शीघ्र रिहाइको माग गर्दै विदेशीको इशारामा एक नेपाली नागरिकमाथि गरिएको भनिएको ‘निन्दनीय गिरफ्तारी’को घोर भत्र्सना गरेको छ। साथै, घटनाबारे तत्काल सार्वजनिक गर्नसमेत सरकारसँग माग गरिएको छ ।