जसराज किरातीको अध्यक्षतामा २१ सदस्यीय किरात राई यायोक्खा जिल्ला कार्यसमिति निर्माण

नमस्ते खोटाङ संवाददाता–
खोटाङ, असोज ४–किरात राई यायोक्खा खोटाङको १० अधिवेशनले जसराज किरातीको अध्यक्षतामा २१ सदस्यीय किरात राई यायोक्खाको जिल्ला कार्यसमिति सर्वसहमतीले छनौट गरेको छ । असोज ४ सम्पन्न अधिवेशनले उपाध्यक्षमा रेखा राई र किसन राई, सचिवमा उदिम चाम्लिङ, सहसचिवमा सुखदेव राई, डार्विन चाम्लिङ र मणि वाम्बुले, कोषाध्यक्षमा ममता राई, सहकोषाध्यक्षमा प्रमिला राई चयन गरेको हो ।
त्यस्तै सदस्यहरूमा राजहरि राई, रञ्जना राई, दीपक राई, युवराज राई, अविन्द्र राई, मुनिधन वाम्बुले राई, रवीन राई, भनिता राई, राजदेश राई, उमेश राई, सुनिला राई र बसन्त राई नवनिर्वाचित भएका छन् । यायोक्खाका केन्द्रीय सचिव सुमन राईको प्रमुख आतिथ्यतामा सम्पन्न भएको हो ।