नेपाल प्रेस युनियन खोटाङको अध्यक्षमा चिसाङ शेर्पा निर्वाचित

नमस्ते खोटाङ संवाददाता–
खोटाङ, भदौ २६-नेपाल प्रेस युनियन खोटाङको अध्यक्षमा चिसाङ शेर्पा निर्वाचित भएका छन् । भदौ २६ गते भएको ८ औं जिल्ला अधिवेशनले शेर्पालाई निर्वाचित गरेको हो ।
त्यस्तै उपाध्यक्षमा कृष्णकला राई, महिला उपाध्यक्षमा एलिशा राई, सचिवमा सुनिल श्रेष्ठ, सहसचिवमा योगीन राई, कोषाध्यक्षमा मनिता राई छानिएका छन् । त्यस्तै सदस्यहरूमा मनोज आचार्य, पदम हिङ्माङ, मिलन आचार्य, दिनराज कार्की, एल्जिेसा राई चुनिएका छन् ।
संघीय महाधिवेशन प्रतिनिधिमा कृष्ण आचार्य, दिलीप खत्री, उत्तम चौलागाईँ, राजकुमार भट्टराई, रविना सुवेदी (खत्री), खिलन राई तथा प्रदेश महाधिवेशन प्रतिनिधिमा अमृत गिरी, पदम हिङ्माङ, योगीन राई र एल्जिेसा राई छनौट भएको नव निर्वाचित अध्यक्ष चिसाङ शेर्पाले बताएका छन् । उक्त अधिवेशन कोशी प्रदेश पूर्व भौतिक पूर्वाधार विकास तथा स्वास्थ्य मन्त्री भूपेन्द्र राईको प्रमुख आतिथ्यतामा भएको हो ।