खुला महिला दौडको उपाधि बस्नेत र खुला पुरुष दौडको उपाधि लिम्बुलाई (भिडिओ सहित)

सविना अछामे–
खोटाङ, जेठ ३–तेश्रो बृहत खोटाङ हलेसी खेलकुद साहित्यिक तथा पर्यटन महोत्सवको अवसरमा आयोजित १५ वर्षमाथिको खुला महिला १० किलोमिटर दौडको उपाधि केपिलासगढीकी दिर्पा बस्नेतले चुमेकी छन् । नेपाल खेलकुद प्रतिष्ठानको आयोजनामा जेठ ३ गते सम्पन्न प्रतियोगितामा नेपाली सेनाकी जानुका राउत दोश्रो र सेनाकै मनिता खड्का तेश्रो भएकी छन् ।
उक्त प्रतियोगितामा प्रथम, दोश्रो र तेश्रो हुनेले क्रमशः १५ हजार, १० हजार र ७ हजार नगद सहित ट्रफी, मेडल र प्रमाणपत्र पाएका छन् । त्यस्तै १५ वर्षमाथिको खुला पुरुष १० किलोमिटर दौडमा ताप्लेजुङका अमिर लिम्बु प्रथम, खोटाङका गजेन्द्र राई दोश्रो र सोलुखुम्बुका रुद्रधन कुलुङ तेश्रो भएका छन् । उक्त दौडमा प्रथम, दोश्रो र तेश्रो हुनेले क्रमशः १५ हजार, १० हजार र ७ हजार नगद सहित ट्रफी, मेडल र प्रमाणपत्र पाएका छन् ।
३५ वर्षमाथिको राजनीतिज्ञ, जनप्रतिनिधि, पत्रकार, कर्मचारी, शिक्षक र व्यवसायीको ७ किलोमिटर दौडमा उदयपुरका अनन्त राई प्रथम, सुनसरीका विमानसिं तामाङ दोश्रो र खोटाङका शिवप्रसाद राई तेश्रो भएका छन् । प्रथम, दोश्रो र तेश्रो हुनेलाई क्रमशः १५ हजार, १० हजार र ७ हजार नगद, ट्रफी मेडल र प्रमाणपत्र प्रदान गरिएको प्रतिष्ठानका सचिव मिलन कसजूले बताएका छन् ।
आमाहरूको ५ किलोमिटर दौडमा विजयखर्ककी जमुना कटवाल प्रथम, एपिएफकी रोजिना राई दौश्रो र बुवालुङकी भीमकुमारी आचार्य तेश्रो भएकी छन् । प्रथम, दोश्रो र तेश्रो हुनेले क्रमशः ५ हजार ५ सय ५५, ४ हजार ४ सय ४४ र ३ हजार ३ सय ३३ रूपैयाँ नगद सहित ट्रफी, मेडल र प्रमाणपत्र पाएका छन् । ५५ वर्षमाथिको पुरुष २ किलोमिटर दौड खोटाङका धनिराम राई प्रथम, खोटाङकै बिचारी तामाङ दोश्रो र काठमाडौंका बुद्धवीर लामा तेश्रो भएका छन् । प्रथम, दोश्रो र तेश्रो हुनेले क्रमशः ५ हजार ५ सय, ३ हजार ५ सय, २ हजार ५ सय नगद सहित ट्रफी, मेडल र प्रमाणपत्र पाएका छन् ।
त्यसैगरी १० वर्षमुनिको छात्रा एक माइल दौडमा जालपा माविकी अपेक्षा राई प्रथम, सरस्वती मावि दिक्तेलकी युना राई दोश्रो र श्रीमावि बास्बोटेकी श्रद्धा राई तेश्रो भएकी छन् । त्यस्तै एक माइल दौडमा छात्रतर्फ जालपा माविका अनिल राई प्रथम, श्रीमावि बास्बोटेका अजय श्रेष्ठ दोश्रो र दिक्तेल इङ्लिस सेकेण्डरी बोर्डिङ स्कुलका रविसन खत्री तेश्रो भएका छन् । १० वर्षमुनिको छात्रा छात्र एक माइल दौडमा प्रथम, दोश्रो र तेश्रो हुनेले क्रमशः ३ हजार, २ हजार र १ हजार नगद सहित ट्रफी, मेडल र प्रमाणपत्र पाएका छन् ।
१२ वर्षमुनिको ३ किलोमिटर दौड छात्रातर्फ श्रीमावि बास्बोटे लफ्याङकी मन्दिरा श्रेष्ठ प्रथम, श्रीमावि बास्बोटे लफ्याङकै एलिसा कटवाल दोश्रो र खोटेहाङ–६ इन्द्रेणीपोखरीकी रक्षा विश्वकर्मा तेश्रो भएकी छन् । त्यस्तै छात्रतर्फको ३ किलोमिटर दौडमा निर्मलीडाडाँका निसान केसी प्रथम, रावाबेसी १ कुभिण्डेस्थित कालिका आधारभूत विद्यालयका दर्शन राई दोश्रो र उक्त विद्यालयकै एन्जल राई तेश्रो भएका छन् । १२ वर्षमुनिको छात्र छात्रा ३ किलोमिटर दौडमा प्रथम, दोश्रो र तेश्रो हुनेले क्रमशः ५ हजार, ३ हजार र २ हजार नगद सहित ट्रफी, मेडल र प्रमाणपत्र पाएका छन् ।
१२ देखि १५ वर्षमुनिको छात्रा ७ किलोमिटर दौडमा सितला मावि खाल्लेकी अस्मिता कटवाल प्रथम, खोटेहाङ–६ इन्द्रेणीपोखरीकी लक्ष्मी राई दोश्रो र दिक्तेलकी कविता आचार्य तेश्रो भएकी छन् । छात्रतर्फको ७ किलोमिटर दौडमा भोजपुर हतुवागढी–९ का सम्पत राई प्रथम, दिप्रुङ चुइचुम्मा–६ सप्तेश्वर छितापोखरीका न्युजल राई दोश्रो र नेर्पाका धिरज राई तेश्रो भएका छन् । १२ देखि १५ वर्षमुनिको छात्र–छात्रा ७ किलोमिटर दौडमा प्रथम, दोश्रो र तेश्रो हुनेलाई क्रमशः ७ हजार ५ सय, ६ हजार ५ सय र ५ हजार ५ सय नगद सहित ट्रफी मेडल र प्रमाणपत्र प्रदान गरिएको कसजूले सुनाएका छन् ।
महोत्सवको अवसरमा पत्रकारिताको क्षेत्रबाट खेलकुदलाई उल्लेख्य योगदान पु¥याउने नमस्ते खोटाङकी सविना अछामे र जनप्रतिनिधिहरूको तर्फबाट खेलकुदको क्षेत्रमा योगदान पु¥याउने दिक्तेल रूपाकोट मझुवागढी नगरपालिका–५ लफ्याङका वडाअध्यक्ष दिनेशकुमार घिमिरेलाई नगद ११ हजार एक सय ११ रूपैयाँ सहित सम्मान गरिएको छ । महोत्वसको मुल समितिका संयोजक तथा जिल्ला समन्वय समिति खोटाङका प्रमुख सनबहादुर राईको अध्यक्षतामा भएको कार्यक्रम दिक्तेल रूपाकोट मझुवागढी नगरपालिकाका प्रमुख तीर्थराज भट्टराईको प्रमुख आतिथ्यतामा भएको भएको हो ।
तेश्रो बृहत खोटाङ हलेसी खेलकुद साहित्यिक तथा पर्यटन महोत्सव अन्तरगत बुद्धिचाल जेठ ६ गते र खुला राष्ट्रिय साहित्य महोत्सव जेठ ९ गते हुने आयोजकले जनाएको छ । साहित्य महोत्सवमा साहित्य क्षेत्रमा ख्याति कमाएका राष्ट्रियस्तरका साहित्यकारहरू सहभागी हुने छन् ।