छैटौं सोल्मा अन्तर वडा कप फुटबलको उपाधि बाहुनीडाडाँलाई (भिडिओ सहित)

नमस्ते खोटाङ संवाददाता–
खोटाङ, बैशाख १२–दिक्तेल रूपाकोट मझुवागढी नगरपालिका–२ सोल्मा खेलमैदानमा बैशाख १२ गते सम्पन्न छैटौ सोल्मा अन्तर वडा कप फुटबल प्रतियोगिताको उपाधि बाहुनीडाडाँले चुमेको छ । मात्तिमलाई पेनाल्टी सुटआउटमा ५–३ ले हराउदै उपाधि चुमेको हो ।
विजेता बाहुनीडाडाँले एक लाख ११ हजार १ सय ११ रूपैयाँ नगद सहित ट्रफी, मेडल र प्रमाणपत्र पाएको छ । उपविजेता मात्तिमले ६६ हजार ६ सय ६६ रूपैयाँ नगद सहित ट्रफी, मेडल र प्रमाणपत्र पाउने छ । सेमिफाइनलिष्ट इन्द्रेणीपोखरी र बाम्राङले नगद २५ हजार ५ सय ५५ रूपैयाँ सहित मेडल र प्रमाणपत्र पाएका छन् ।
प्रतियोगिताको विधागतर्फ सर्वोत्कृष्ट खेलाडी बाहुनीडाडाँका तिलक खड्का घोषित भएका छन् । उनले ५ हजार ५ सय ५५ रूपैयाँ नगद सहित ट्रफी, मेडल र प्रमाणपत्र पाएका छन् । त्यस्तै बेष्ट किपरमा बाहुनीडाडाँका सुजल परियार, बेष्ट डिफेण्डर मात्तिमका प्रतिक कटवाल, बेष्ट मिडफिल्डर मात्तिमकै युसन राई, हाइस्कोरर बाहुनीडाडाँका डिकेन राई, बेष्ट कोच बाहुनीडाडाँकै दिपेन्द्र राई र राइजिङ प्लेयरमा सोल्माका दिप्सन राई घोषित भएका छन् । उनीहरूलाई जनही दुई हजार २ सय २२ रूपैयाँका दरले नगद सहित ट्रफी, मेडल र प्रमाणपत्र दिइएको सोल्मा स्पोर्टस् क्लवका सहसचिव अम्मर श्रेष्ठले बताएका छन् । खेलको समापन समारोहमा नमस्ते खोटाङ डटकमकी पत्रकार सविना अछामेलाई नगद ५ हजार ५ सय ५५ रूपैयाँ सहित प्रमाणपत्रले सम्मान गरिएको छ । त्यस्तै अन्य विभिन्न क्षेत्रमा योगदान पु¥याउनेहरूलाई सम्मान समेत गरिएको छ ।