अभिव्यक्ति स्वतन्त्रता जिल्ला स्तरीय सञ्जाल गठन

नमस्ते खोटाङ संवाददाता–
खोटाङ, चैत ९–जिल्लामा अभिव्यक्ति स्वतन्त्रता जिल्ला स्तरीय सञ्जाल गठन गरिएको छ । राष्ट्रिय मानव अधिकार आयोग खोटाङको कार्यालयमा चैत ९ गते भएको कार्यक्रममा उक्त सञ्जाल गठन गरिएको हो ।
राष्ट्रिय मानवअधिकार आयोग खोटाङका निमित्त प्रमुख मोहन काफ्लेको संयोजकत्वमा उक्त सञ्जाल गठन भएको हो । सञ्जालको सदस्यहरूमा नेपाल बार एशोसियसन खोटाङका अध्यक्ष कुलप्रसाद फुयाल, नेपाल पत्रकार महासंघ खोटाङका अध्यक्ष हरिबोल आचार्य, नेपाल मानवअधिकार संगठन १ नम्बर प्रदेश संयोजक हिरा निरौला, नेपाल पत्रकार महासंघ खोटाङकी उपाध्यक्ष सविना अछामे, गैरसरकारी संस्था महासंघ खोटाङकी उपाध्यक्ष लोकमायाँ थापा गीता र पत्रकार मिनाक्षी राई छन् । उक्त सञ्जालले मानवअधिकारसंग सम्वन्धित अधिकारहरूलाई सुनिश्चित गर्नका लागि अभिव्यक्ति स्वतन्त्रता जिल्ला स्तरीय सञ्जाल गठन गरिएको नेपाल बार एशोसियसन खोटाङका अध्यक्ष कुलप्रसाद फुयालले बताएका छन् ।