भारी वर्षाका कारण दुर्घटना तथा जनधनको क्षति हुन सक्ने भन्दै सवारी साधन चलाउन रोक

नमस्ते खोटाङ संवाददाता–
खोटाङ, साउन २–जिल्ला प्रशासन कार्यालय खोटाङले भारी वर्षाका कारण दुर्घटना तथा जनधनको क्षति हुन सक्ने सम्भावना भएकाले साउन २ गते साँझ ७ बजेदेखि साउन ३ गते विहान ५ बजेसम्मका लागि यातायात चलाउन रोक लगाएको छ । मध्यपहाडी लोकमार्ग अन्तरगत चखेवा–दिक्तेल–जयरामघाट सडक र सहायक सडकहरूमा आपतकालीन सवारी साधन बाहेक अन्य सवारी साधन चलाउन रोक लगाएको हो ।
खोटाङकी प्रमुख जिल्ला अधिकारी रेखा कँडेलले साउन २ गते सूचना जारी गर्दै उक्त जानकारी गराएकी हुन् । आपतकालीन अवस्था परी सवारी साधन चलाउनु परे जिल्ला प्रहरी कार्यालय खोटाङका प्रमुख प्रहरी नायव उपरीक्षक प्रकाश बुढाथोकीको मोबाइल नम्बर ९८५२८०५५५५ मा फोन गर्न समेत सूचना उल्लेख गरिएको छ ।