खोटाङको सोल्मामा महिला मृत फेला

नमस्ते खोटाङ संवाददाता–
खोटाङ, भदौ १९–दिक्तेल रूपाकोट मझुवागढी नगरपालिका–२ सोल्मा बेसीटोलकी ३६ वर्षीया देविकला राई भदौ १९ गते मृत फेला परेकी छन् । घरभन्दा करिब पाँच सय मिटर पश्चिमतर्फको खेतमा घोप्टो परेर डुविरहेको अवस्थामा मृत फेला परेकी हुन् ।
जिल्ला प्रहरी कार्यालय खोटाङका सूचना अधिकारी प्रहरी निरीक्षक राजु विष्टका अनुसार दिउसो चार बजेर २० मिनेटमा स्थानीयले खबर गरेपछि प्रहरी पुग्दा मृत भेटिएको हो । घरबाट बिहानै घाँस काट्न भनि खेतमा गएकी वडा सदस्य सुमन राईले बताएका छन् । शवको पोष्टमार्टमका लागि जिल्ला अस्पताल ल्याइएको विष्टले सुनाएका छन् ।