उद्धार गरी उपचारका लागि काठमाडौं पठाइएको शिशुको मृत्यु (भिडिओ सहित)

नमस्ते खोटाङ संवाददाता–
खोटाङ, साउन ५–उपचारका लागि हेलिकोप्टरमार्फत काठमाडौं पठाइएको शिशुको मृत्यु भएको छ । जिल्ला अस्पताल दिक्तेलमा साउन ५ गते शल्यक्रिया मार्फत जन्मिएको शिशुको काठमाडौं महाराजगंजस्थित कान्ति बालअस्पतालमा उपचारको क्रममा साउन ५ गते दिउसो दुई बजेतिर मृत्यु भएको हो ।
दिक्तेल रूपाकोट मझुवागढी नगरपालिका–१५ विजयखर्क मालाका जानुका खत्री र सर्वकुमार खत्रीको दोश्रो सन्तानको रूपमा जन्मिएका शिशुको कान्ति बाल अस्पतालमा मृत्यु भएको हो । स्वास प्रस्वासमा जटिल किसिमको समस्या देखिएपछि शिशुलाई काठमाडौं पठाइएको अस्पतालका प्रमुख डा. रुपेश सङ्ग्रौलाले बताएका छन् । उनलाई गर्भवती तथा सुत्केरी महिलाका लागि हवाइ उद्धार कार्यक्रम अन्तरगत नेपाली सेनाको हेलिकोप्टर मार्फत काठमाडौं पठाइएको सङ्गौलाले जनाएका छन् ।