समिला आचार्यको सफलताको कथा (भिडिओ सहित)

सविना अछामे–
खोटाङ, असार ८–दिक्तेल रूपाकोट मझुवागढी नगरपालिका–१ दिक्तेल आचार्य गाउ“स्थित पुरानो गाउ“की सर्मिला आचार्यले दुई महिनाको अवधिमा दुई लाख भन्दा बढिको काक्रा बेचेकी छन् । गत बैशाखदेखि जेठभरिमा बेमौसमी काक्रा बेचेर यत्तिको आम्दानी गरेकी हुन् ।
१४ रोपनी मध्ये दश रोपनी मकैबारीमा र चार रोपनी खाली जग्गामा गत माघमा लगाएको काक्रा फलेपछि दुई लाख बढीको बेचेको आचार्यले सुनाइन् । उनका अनुसार दुई महिनासम्म दिनहुजसो ३५–३० हजारसम्म काक्रा बिक्री गरेको आचार्यले बताएकी छन् । अरु पनि करिब डेढ–दुई लाखको काक्रा बेच्न बा“की रहेको आचार्यको भनाई छ ।
यसबाहेक तरकारी, पशुपक्षी पालनबाट पनि मनग्गे आम्दानी गर्ने गरेकी छन् । सर्मिला कृषि तथा पशुपंक्षी बहुउद्देश्यीय फर्म खोलेर कुखरा, बाख्रा, रा“गाभैसी र तरकारी बेचेर वार्षिक १० लाख बचत हुने आचार्यले सुनाएकी छन् । नगरपालिकाले कृषि एम्बुलेन्सको व्यवस्था गरेको बताउदै आए पनि आफूले उत्पादन गरेको कृषि सामग्री भने डोकोमा बोकेर बजार लैजानु परेको उनले गुनासो गरेकी छन् ।
नगरपालिकाले किसानले उत्पादन गरेको कृषिजन्य वस्तुको बजारीकरण गर्ने जनाए पनि आफूले उत्पादन गरेको कृषिजन्य वस्तुका लागि बजार अभाव भएको समेत आचार्यले दुःखेसो पोखिन् ।
श्रीमान तथा छोरीहरू निजामती सेवामा कार्यरत भए पनि आफू भने कृषि कर्ममै रमाउदै अँएको उनले सुनाएकी छन् । कृषिकर्म गरेरै पा“च छोरी र एक छोरालाई शिक्षादीक्षा दिएको समेत आचार्यले दाबी गरेकी छन् । कृषिको भविष्य पनि राम्रो भएकाले आफूलाई यतैतिर तल्लिन राखेको आचार्यको भनाई छ । तर स्थानीय सरकारले बेवास्ता गर्दा भने चित्त दुखेको उनको दुःखेसो छ ।