खोटाङको बुवालुङमा चट्याङ लागेर पुरुषको मृत्यु

सविना अछामे–
खोटाङ, बैशाख ४–चट्याङ लागेर एक पुरुषको मृत्यु भएको छ । दिक्तेल रूपाकोट मझुवागढी नगरपालिका–८ बुवालुङ नास्तुमका ५५ वर्षीय गंगाप्रसाद ढकालको बैशाख ४ गते दिउसो मृत्यु भएको हो ।
घर नजिकै वीउबारीमा काम गरिरहेको बेला दिउसो १ बजेतिर चट्याङ पर्दा ढकालको मृत्यु भएको वडाअध्यक्ष लिला चौहानले बताएका छन् । घटनास्थलमा प्रहरी पुगेपछि विस्तृत जानकारी आउने जिल्ला प्रहरी कार्यालय खोटाङका प्रवक्ता प्रहरी निरीक्षक मोहन पोखरेलले बताएका छन् ।