दिक्तेल बहुमुमुखी क्याम्पसको प्रमुखमा राई नियुक्त

सविना अछामे–
खोटाङ, बैशाख ३–दिक्तेल बहुमुखी क्याम्पसको क्याम्पस प्रमुखमा कृष्णबहादुर राई नियुक्त भएका छन् । क्याम्पस सञ्चालक समितिको चैत–३० गते बसेको बैठकले बैशाख–१ गतेदेखि लागू हुने गरी राईलाई नियुक्त गरेको हो ।
क्याम्पस सञ्चालक समितिका अध्यक्ष दुर्गाजयन्ती राईका अनुसार राईले बैशाख २ गते औपचारिक रूपमा पदभार ग्रहण गरेका हुन् । राईले २०५२ सालदेखि नियमित प्राध्यापन गर्दै आएका थिए । उनी सहायक क्याम्पस प्रमुखको जिम्मेवारीमा थिए । उक्त क्याम्पसमा नरेन्द्र राजभण्डारी, बम थुलुङ, शेरबहादुर तामाङ, डा. शुकराज राई र हीराकुमार राईले क्याम्पसको भूमिका निर्वाह गरिसकेका छन् ।