ज्यान मार्ने उद्योगमा दोषी ठहरिएका फरार प्रतिवादी पक्राउ

नमस्ते खोटाङ संवाददाता–
खोटाङ, मङ्सिर ९–ज्यान मार्ने उद्योगमा दोषी ठहरिएका फरार प्रतिवादी पक्राउ परेका छन् । भोजपुर जिल्ला अदालतले २०७१ जेठ २२ गते दोषी ठहर गरी पाँच वर्ष कैद फैसला सुनाएका फरार दिक्तेल रूपाकोट मझुवागढी नगरपालिका–८ बुवालुङका ४६ वर्षीय फुर्बा शेर्पालाई मङ्सिर ९ गते पक्राउ गरी जेल भुक्तानका लागि कारागार पठाइएको हो ।
लुकीछिपी बसिरहेको अवस्थामा घरमै फेला पारी जिल्ला अदालत दिक्तेलमा ल्याएर बुझाई जेल भुक्तानका लागि पठाइएको जिल्ला प्रहरी कार्यालय खोटाङका प्रवक्ता प्रहरी निरीक्षक मोहन पोखरेलले बताए ।