केपिलासगढी गाउँपालिकामा एसइइ ग्रेड बृद्धि तयारी कक्षा

नमस्ते खोटाङ संवाददाता–
खोटाङ, साउन ९–केपिलासगढी गाउँपालिकाले एसइइ ग्रेड बृद्धिका लागि तयारी कक्षा सञ्चालन गरेको छ । एसइइमा अङ्ग्रेजी, गणित र विज्ञान विषय अनुतीर्ण गर्ने विद्यार्थीहरूको ग्रेड बृद्धिका लागि तयारी कक्षा सञ्चालन गरिएको हो ।
केपिलासगढी गाउँपालिका शिक्षा शाखा प्रमुख सुरेन्द्र खनालका अनुसार अङ्ग्रेजी विषयमा २२, गणितमा ३६ र विज्ञानमा ३७ गरी ९५ जना विद्यार्थी ग्रेड बृद्धि तयारी कक्षामा सहभागी छन् । आगामी साउन १९ गतेसम्म कक्षा सञ्चालन गरिने केपिलासगढी गाउँपालिका शिक्षा शाखा प्रमुख सुरेन्द्र खनालले बताए । गत असार २१ देखि सुरु भएको खनालले सुनाए ।
केपिलासगढी गाउँपालिकाका ८ सामुदायिक विद्यालयका दुई सय ७ जनाले एसइइ परीक्षा दिएका थिए । यसमध्ये ५९ जनाले मात्र एसइइ उतीर्ण गरेको खनालले जानकारी दिए ।