६ वर्षीया बालिका बलात्कारमा दोषी ठहरिएका फरार पक्राउ

नमस्ते खोटाङ संवाददाता–
खोटाङ, साउन ६–६ वर्षीया बालिका बलात्कारमा दोषी ठहरिएका दिक्तेल रूपाकोट मझुवागढी नगरपालिका–११ खार्मीका ३२ वर्षीय नवीन राई पक्राउ परेका छन् । सर्वोच्च अदालतले २०८० भदौ २५ गते दोषी ठहराई ९ वर्ष ४ महिना २३ दिन कैद सुनाएका राईलाई सुनसरीको धरानबाट पक्राउ गरिएको हो ।
उनलाई साउन ४ गते सुनसरी धरान उपमहानगरपालिका–११ मङ्गलबारबाट पक्राउ गरी ५ गते दिक्तेल ल्याएर साउन ६ गते जिल्ला अदालत खोटाङमा पेश गरी त्यसै दिन कैद भुक्तानका लागि कारागार पठाइएको जिल्ला प्रहरी कार्यालय खोटाङका प्रमुख प्रहरी नायव उपरीक्षक पुरुषोत्तम खड्काले बताए ।