दिक्तेलमा पुनः प्रयोग गर्न मिल्ने सेनिटरी प्याड बनाउने तालिम सुरु (भिडियो सहित)

सविना अछामे–
खोटाङ, असार १६–दिक्तेलमा सेनिटरी प्याड बनाउँने तालिम सुरु भएको छ । पुन ः प्रयोग गर्न मिल्ने खालको प्याड बनाउने तालिम असार १६ गते खोटाङ उद्योग वाणिज्य संघको कार्यालयमा सुरु भएको हो ।
घरेलु तथा साना उद्योग कार्यालय खोटाङको आर्थिक सहयोग र खोटाङ उद्योग वाणिज्य संघको आयोजनामा उक्त तालिम सुरु गरिएको खोटाङ उद्योग वाणिज्य संघका अध्यक्ष राजन आचार्यको भनाई छ ।
पुन ः प्रयोग गर्ने प्याड उपयोगी र व्यवहारिक पनि हुने प्रशिक्षक जानुका सापकोटाले बताइन् । यस्तो खाले प्याडबाट उद्यमीहरूले राम्रो आम्दानी पनि गर्न सक्ने भएकाले उनीहरूलाई लक्षित गरी तालिम दिइएको प्रशिक्षक सापकोटाको भनाई छ । यो तालिम उपयोगी भएको तालिमका सहभागीहरूले बताएका छन् । उक्त तालिममा ३१ जना सहभागी छन् ।

भिडियो हेर्नुहोस्