किरात यले सम्वत् यलेदुङ ५०८४ को अवसरमा धनुषवाण प्रतियोगिता

नमस्ते खोटाङ संवाददाता–
खोटाङ, माघ १–किरात यले सम्वत् यलेदुङ ५०८४ को अवसरमा मघ १ गते दिक्तेलमा धनुषवाण (आर्चरी) प्रतियोगिता गरिएको छ । प्रतियोगितामा हलेसी तुवाचुङ नगरपालिका–५ दुर्छिमका पर्शुराम राई प्रथम भएका छन् ।

किरात गणराज्य मोर्चा खोटाङले दिक्तेलस्थित हेलिप्याडमा आयोजना गरेको धनुषवाण प्रतियोगितामा ५४ जना सहभागीमध्ये प्रथम हुने राईले नगद पाँच हजार पाएका छन् । त्यस्तै दिक्तेल रुपाकोट मझुवागढी नगरपालिका–१३ नुनथलाका सुमन राई दोस्रो र नगरपालिकाको वडा नं. १४ बुइपाका राजकुमार राई तेस्रो भएका छन् । दोश्रो हुने सुमन राईले तीन हजार र तेश्रो हुने राजकुमार राईले दुई हजार नगद पाएका छन् ।

प्रतियोगितामा विजयीलाई पूर्व संस्कृतिमन्त्री गोपाल किरातीले पुरस्कार वितरण गरेका छन् । धनुषवाण प्रतियोगिता समापनको अवसरमा यले सम्बत् ५०८४ को शुभकामना आदानप्रदानसमेत गरिएको छ ।