गोरु काटेको आरोपमा पक्राउ परेका वादल गुरुङलाई तीन दिनको म्याद थप गरी अनुसन्धान सुरु

नमस्ते खोटाङ संवाददाता–
खोटाङ, असोज ९–गोरु काटेको अभियोगमा पक्राउ परेका रावाबेसी गाउँपालिका–६ हौचुर चाँपखर्कका २७ वर्षीय वादल गुरुङलाई तीन दिनको म्याद थप गरी प्रहरीले अनुसन्धान सुरु गरेको छ । असोज ९ गते घरबाट पक्राउ गरी जिल्ला अदालत खोटाङमा तीन दिनको म्याद थप गरी अनुसन्धान थालिएको हो ।
असोज ८ गते गोरु काटेर सामुहिक भोज गरेको फोटो सामाजिक सञ्जाल फेसबुकमा आएपछि प्रहरीले खोजी गरेको थियो । घटनास्थलमा नभई निर्दोषलाई घरबाट पक्राउ गरिएकाले विनाशर्त रिहाई हुनु पर्ने उनका बुवा मोहन गुरुङले बताए ।