इन्द्रेणीपोखरीमा आधारभूत अस्पताल उद्घाटन

दिनेश राई–
खोटाङ, साउन १२–खोटेहाङ गाउँपालिका–६ इन्द्रेणीपोखरीमा आधारभूत अस्पताल उद्घाटन गरिएको छ । साउन १२ गते गाउँपालिका अध्यक्ष उदीमबहादुर राईले उद्घाटन गरेका हुन् ।
सुरुमा इन्द्र्रेणीपोखरीको स्वास्थ्य चौकी, त्यसपछि कोभिड अस्पताललाई स्तरोन्नति गरी आधारभूत अस्पताल बनाइएको हो । उक्त अस्पतालमा पाँच शैयाको सुविधा उपलब्ध रहेको र निकट भविष्यमै दश शैयाको सुविधा उपलब्ध हुने गाउँपालिकाले जनाएको छ । उद्घाटन कार्यक्रममा गाउँपालिका उपाध्यक्ष रुपेश राई, वडा न १, ४, ५, ६, ७ र ९ का वडाअध्यक्षहरु, नेकपा एमाले जिल्ला सचिवालय सदस्य राजन बन्जरा, गाउँपालिका स्वास्थ्य शाखाका प्रमुख मोहनबहादुर मगर लगायतको सहभागिता थियो ।