खोटाङबजारको इलाका प्रशासन कार्यालयको सेवा प्रवाह बन्द हुँदा सेवाग्राहीलाई मार

सविना अछामे–
खोटाङ, साउन ११–खोटाङबजारको इलाका प्रशासन कार्यालयले असार २६ गतेदेखि नागरिकता वितरण लगायतका सेवा प्रवह बन्द गर्दा सेवाग्राहीलाई मार परेका छन् । गृह मन्त्रालयले शाखा अधिकृतको व्यवस्था नगर्दा नागरिक्ता वितरण, दलित, जनजाति प्रमाणीकरण सिफारिस लगायतका सेवा प्रवाह बन्द हुँदा दक्षिणी क्षेत्रका तीन गाउँपालिकाका सर्वसाधारण मारमा परेका हुन् ।
खोटेहाङ गाउँपालिका अध्यक्ष उदीमबहादुर राईका अनुसार गृह मन्त्रालयले नायव सुब्बा मोहनबहादुर राईलाई असार २६ गतेसम्मको छ महिनाको अवधिका लागि कायममुकायम जिम्मेवारी दिएर खटाए पनि म्याद थप नहुदा खोटेहाङ, जन्तेढुङ्गा र बराहापोखरी गाउ“पालिकाका सेवाग्राही मारमा परेका हुन् । सेवा प्रवाह बन्द भएपछि टुवाखोलादेखि दक्षिणका २१ वडाका सेवाग्राहीलाई मार परेको राईको भनाई छ । सेवा प्रवाहका लागि गृह मन्त्रालयमा पहल भइरहेको समेत राईले सुनाए ।