बराहापोखरी गाउँपालिकामा डढेलोले दुुई घर र तीन गोठ जले

सविना अछामे–
खोटाङ, वैशाख २७–बराहापोखरी गाउँपालिकामा जंगलबाट बैशाख २६ गते गाउँ पसेको डढेलोले दुुई वटा घर र तीन गोठ जलेर नष्ट भएको छ । स्थानीय डाँडाखर्क सामुदायिक वनमा लागेको डढेलोले बराहपोखरी गाउँपालिका–१ बराहपोखरीको डुुम्रेबोटेका मानबहादुर राउतको ढुङु्गा–माटोले बनेको दुुईतले दुईवटा घर र बाँसको टाटीले बनेको बाख्रा खोर जलेको हो ।
राउतको अन्दाजी १३ लाख ६६ हजार बराबरको क्षति भएको प्रहरीले जनाएको छ । डढेलोले उक्त ठाउँकै तिलकबहादुर बस्नेतको एउटा गोठ जल्दा अन्दाजी पाँच लाख र भीमबहादुर दाहालको एउटा गोठ जल्दा करिब तीन लाख बराबरको क्षति भएको छ ।