नेकपा माओवादी केन्द्रले २८ औं जनयुद्ध दिवस मनायो

नमस्ते खोटाङ संवाददाता–
खोटाङ, फागुन १–नेकपा माओवादी केन्द्र खोटाङले २८ औं जनयुद्ध दिवस मनाएको छ । जिल्ला समन्वय समिति खोटाङका सभा हलमा फागुन १ गते शुभकामना आदान–प्रदान कार्यक्रम आयोजना गरी मनाएको हो ।

कार्यक्रममा अनुशासन आयोगका अध्यक्ष टंक राई, नेकपा माओवादी केन्द्रकी पोलिटब्युरो सदस्य दुर्गाजयन्ती राई लगायतले बोलेका थिए । माओवादी विद्यार्थी संगठनले पनि त्रिवेणीचौकमा दीपावली गरेर दिवस मनाएको छ ।

यसैबीच माओवादी केन्द्रबाट विजयी स्थानीय जनप्रतिनिधिहरुका लागि कार्यशाला समेत आयोजना गरिएको छ । नेता टंक राई, विश्लेषक हरि रोका, वरिष्ठ पत्रकार भवानी बराल लगायतले फागुन १ गतेदेखि ३ गतेसम्म प्रशिक्षण दिने नेकपा माओवादी केन्द्रका पोलिटब्युरो सदस्य तथा प्रतिनिधिसभा सदस्य रामकुमार राईले बताए ।