खोटाङबजार–पामाखाम भन्ज्याङ सडक निर्माण सुरु

दिनेश राई–
खोटेहाङ, माघ २६–खोटेहाङ गाउँपालिकाको कार्यालयदेखि वडा नम्बर ३ सावाकटहरेको पामाखाम भन्ज्याङसम्मको सडक निर्माण सुरु भएको छ । करिब तीन करोड २४ लाख २९ लाख बढीको बजेटबाट उक्त सडक निर्माण सुरु भएको हो ।

२०८० बैशाख १५ गते सक्ने गरी बिकेएसके कन्ट्रक्सन एण्ड सप्लायर्सले २०७९ पुस १४ गते संझौता गरेको छ । पक्की नाली, सोलिङ, ढलान र ठाउँठाउँमा जाली प्रयोग गरेर सडक बनाइने गाउँपालिका अध्यक्ष उदीमबहादुर राई ‘मुक्ति’ले बताए । यो आर्थिक वर्ष तीन करोड २४ लाख २९ हजार छ सय दश रुपैयाँ खर्च हुने राईले सुनाए ।