जनजागृति माध्यमिक विद्यालय प्रदेश १ बाट पुरस्कृत

प्रकाशित मितिः पुष 21, 2079
124 पटक पढिएको
संवादताता

सविना अछामे–
खोटाङ, पुस २१–दिक्तेल रुपाकोट मझुवागढी नगरपालिका–२ सोल्मा डाडाँगाउँस्थित जनजागृति माध्यमिक विद्यालयले प्रदेश १ भित्रको उत्कृष्ट माध्यमिक विद्यालयको पुरस्कार पाएको छ । प्रदेश नं १ सामाजिक विकास मन्त्रालयको आर्थिक वर्ष २०७९÷८० को कार्यक्रममा जिल्लाबाट सहभागी विद्यालयहरु मध्ये उत्कृष्ट व्यवस्थापन भएको सफल सामुदायिक विद्यालयको रुपमा पुरस्कृत भएको हो ।
पुस २० गते बिराटनगरस्थित इस्टर्न स्टार होटलमा मन्त्रालयले १४ लाख ५० हजार नगदका साथमा ट्रफी र सम्मान पत्र प्रदान गरेको छ । प्रदेशका मुख्यमन्त्री राजेन्द्रकुमार राई, सामाजिक विकास मन्त्री राजन राईले विद्यालयको प्रबन्ध निर्देशक सूर्य राई र प्रधानाध्यापक सविता ढकाललाई पुरस्कार प्रदान गरेका हुन् ।
उक्त विद्यालयमा शुभद«ा मदन फाउनडेसनको सहयोगमा २०७२ सालदेखि वैकल्पिक शिक्षा अभियानको रुपमा जीवन उपयोगी शिक्षा सञ्चालन गर्दै आएको छ । उक्त विद्यालय पूर्ण आवाशीय विद्यालयको रुपमा सञ्चालित छ । कृषिविज्ञ मदन राईको परिकल्पनामा सरकारी पाठयक्रमलाई १२ प्रकारका सरलीकरण गरेर पढ्दै र त्यसलाई व्यवहारमा उर्तादै आएको छ ।
नेपालकै नमुना विद्यालयको रुपमा स्थापित भइरहेको उक्त विद्यालयमा हिमाल, पहाड र तराई गरी ४४ जिल्लाका एक सय ५० बढी विद्यार्थीहरु पूर्ण आवाशीय रुपमा बसेर शैद्घान्तिक र प्रयोगात्मक अध्ययन अनुसन्धान गरिरहेका छन् ।

प्रतिक्रिया दिनुहोस