सगरमाथा लोकमार्गको फोक्सिङटार–सिम्पानी र अधेरीखोला–फोक्सिङटार खण्डको ठेक्का रद्द

  • प्रकाशित मितिः पुष 8, 2079
  • 101 पटक पढिएको
  • संवादताता

नमस्ते खोटाङ संवाददाता–
खोटाङ, पुस ८–सगरमाथा लोकमार्ग अन्तरगत दुई प्याकेजको ठेक्का रद्द भएको छ । निर्माण कम्पनीको ढिलासुस्तीले काम अलपत्र परेपछि खोटाङको फोक्सिङटार–सिम्पानी र उदयपुरको अ“धेरीखोला–फोक्सिङटार खण्डको ठेक्का पुस ८ गते रद्द भएको हो ।
गाइघाट–दिक्तेल सडक योजना कार्यालय उदयपुरका योजना प्रमुख गोपालप्रसाद खकुरेलले सूचना जारी गरी खोटाङको फोक्सिङटार–सिम्पानी (२६ किलोमिटर)कालोपत्रेको काम ठेक्का लिएको निर्माण कम्पनी देवनारायण पवन-मैनाचुली-खाम्पाचे जेभीसंग ठेक्का रद्द गरेका हुन् । करिब ५५ करोड ८७ लाख रुपैया“को लागतमा २०७७ साउन १० गतेभित्र सक्ने गरी २०७३ साउन ११ गते संझौता गरे पनि काम अपूरै राखेकाले ठेक्का तोडिएको खकुरेलले बताए ।
उदयपुरको अ“धेरीखोला–फोक्सिङटार खण्डको ठेक्का पनि तोडिएको छ । मैनाचुली–शिद्धिसाइ प्रकाश जेभीले करिब ११ करोड १७ लाखको लागतमा २०७८ चैत २८ गते सक्ने गरी २०७५ भदौ १४ गते संझोता गरेको थियो । पटक–पटक ताकेता गर्दा पनि बेवास्ता गरेकाले ठेक्का तोडिएको खकुरेलले सुनाए ।
गाईघाट–दिक्तेल सडक अन्तरगकै सिम्पानी–माहुरे (२३ किलामिटर) सडकको काम पनि ढिलासुस्ती छ । करिब ४६ करोड ८७ रुपैया“को लागतमा २०७७ असार २९ गते सक्ने गरी २०७३ असार २० गते सम्झौता भएको थियो । फेरि आगामी असार मसान्तसम्ममा म्याद थपिएको खोटाङका प्रमुख जिल्ला अधिकारी सूर्यप्रसाद सेडाईले बताए । तर काम भने यो अवधिसम्म सकिने खालको देखिदैन ।

प्रतिक्रिया दिनुहोस


सन्चार सदन प्रालि, दिक्तेल खोटाङ

फोन: ०३६-४२०७००

इमेल: [email protected]

Copyright © 2023 - नमस्तेखोटांग डट कम - सर्वाधिकार सुरक्षित