बङ्सिलाघाटमा पक्की पुल सिलान्यास

नमस्ते खोटाङ संवाददाता–
खोटाङ, पुस १–बङ्सिलाघाटस्थित सुनकोसी नदीमा पक्की पुल सिलान्यास गरिएको छ । उदयपुरको चौदण्डीगढी नगरपालिका–५ र खोटाङको बराहापोखरी गाउ“पालिका–५ पौवासेरा जोड्ने उक्त पुलको परराष्ट्रमन्त्री डा. नारायण खड्काले पुस १ गते सिलान्यास गरेका हुन् ।
उदयपुरको चौदण्डीगढी नगरपालिका–५ शिवाई–बेल्टार–विरेन्द्रबजार–छुइला–बङ्सिलाघाट–चिसापानी–दिक्तेल सडक खण्डमा पर्ने उक्त पुलको काम कालिका–भेडान्सी जेभी निर्माण कम्पनीले लिएको हो । करिब १९ करोड १८ लाख ४१ हजार चार सय रुपैया“को लागतमा ३३ महिनामा सक्ने गरी उक्त कम्पनीले गत मङ्सिर १ गते संझौता गरेको हो । सिलान्यास कार्यक्रममा प्रदेश १ खानेपानी, सिचाइ तथा उर्जामन्त्री रामकुमार राई, प्रदेशसभा सदस्य भूपेन्द्र राई, राजन किरातीले लगायतको उपस्थिति थियो ।