साकेलामा सञ्चालन गरिएको सामाजिक सुरक्षाभत्ता वितरण शिविरमा ४८३ जनाले सेवा पाए

नमस्ते खोटाङ संवाददाता–
खोटाङ, असोज १२–साकेला गाउ“पालिकामा सञ्चालन गरिएको सामाजिक सुरक्षा भत्ता वितरण शिविरमा चार सय ८३ जना लाभग्राहीले सेवा पाएका छन् । दसैंको बेला अशक्त तथा बृद्धबृद्धालाई सहज बनाउ“ने उद्देश्यले उक्त पालिकाको सबै वडामा केन्द्र बनाएर शिविर सञ्चालन गरेको हो ।
नेपाल नेपाल एसबिआई बैंकमा खाता भएका लाभग्राहीका लागि बैंकले वडा–वडामै रकम वितरण गरेको हो । गाउ“पालिका र बैंकको संयुक्त आयोजना असोज ४ देखि ११ गतेसम्म शिविर सञ्चालन गरिएको हो ।

शिविरको पहिलो दिन असोज ४ गते उक्त पालिकाको वडा नं ५ मात्तिमविर्ताका ९० जना लाभग्राहीलाई १२ लाख ४९ हजार, दोश्रो दिन असोज ५ गते उक्त गाउ“पालिकाको वडा नं १ बा“झेच्यानडाडा“मा ८२ जना लाभग्राहीलाई १२ लाख ९२ हजार, तेश्रो दिन असोज ६ गते उक्त वडाकै डाडा“गाउ“मा सञ्चालन गरिएको शिविरमा ७८ जना लाभग्राहीलाई १० लाख २५ हजार, असोज ७ गते वडा नं. २ रतन्छामा सञ्चालन गरिएको शिविरमा एक सय दश जना लाभग्राहीलाई १४ लाख ९२ हजार रुपैंया वितरण गरिएको बैंकका प्रवन्धक असिम इङ्नाम लिम्वुले बताए ।

त्यस्तै असोज ९ गते वडा नं. ४ मात्तिममा सञ्चालन गरिएको शिविरमा ५९ जना लाभग्राहीलाई ८ लाख ९८ हजार र असोज ११ गते वडा नं. ३ खिदिमामा सञ्चालन गरिएको शिविरमा ६४ जना लाभग्राहीलाई ८ लाख ४५ हजार गरी ६६ लाख ७२ हजार ३ सय रुपैंया रकम भुक्तानी गरिएको प्रबन्धक लिम्वुलेले सुनाए । शिविरमा गाउ“पालिकाका र बैंकका कर्मचारीहरु खटिएको साकेला गाउ“पालिका सामाजिक सुरक्षा शाखा संयोजक डिएम चाम्लिङले बताए ।