रावाबसीले ३८ करोड बढीको बजेट सार्वजनिक ग¥यो

  • प्रकाशित मितिः असार ११, २०७९
  • 329 पटक पढिएको
  • संवादताता

नमस्ते खोटाङ संवाददाता–
खोटाङ, असार ११ –रावाबेसी गाउँपालिकाले ३८ करोड बढीको बजेट सार्वजनिक गरेको छ । असार १० गते भएको ११ औं गाउँसभामा गाउँपालिका उपाध्यक्ष कौशिला गुरुङले ३९ लाख दुई हजार २३ रुपैयाँको बजेट तथा कार्यक्रम प्रस्तुत गरेकी हुन् ।
आर्थिक वर्ष २०७९÷०८० का लागि विभिन्न विषयगत शाखाका लागि प्राप्त संघीय सशर्त अनुदान चालु कार्यक्रमतर्फ १५ करोड २७ लाख र संघीय सशर्त अनुदान पूँजीगततर्फ २ करोड ३७ लाख विनियोजन गरिएको छ ।
प्रदेश सरकार सशर्त अनुदानतर्फ ६९ लाख २४ हजार, गाउँपालिका तथा संघीय सरकारसँगको समपूरक अनुदानबाट नुनथला–कुभिन्डे सडक स्तरोन्नतिमा एक करोड ५० लाख, उक्त सडककै लागि प्रदेश सरकारसँगको समपूरक अनुदानबाट ७८ लाख र प्रदेश सरकारकै समपूरक अनुदानबाट बिजुले–चिउरीबासदेखि भञ्ज्याङ जुकेखोला सडक स्तरोन्नतिमा ५२ लाख विनियोजन गरिएको प्रस्तुत गरिएको छ ।
संघीय सरकार विशेष अनुदानबाट विश्वज्योती मावि लामीडाडाँको होस्टेल निर्माणका लागि एक करोड ७० लाख, संघीय सरकार, प्रदेश सरकार र अन्य विभिन्न विकास साझेदार संस्थासँगको साझेदारी कार्यक्रमका लागि एक करोड ५० लाख विनियोजन गरिएको छ ।
वडागत पूँजीगत योजनाका लागि एक करोड ५० लाख, संघीय सरकार राजस्व बाँडफाँड, प्रदेश सरकार सवारी कर बाँडफाँड र आन्तरिक राजस्वबाट बेहोर्ने गरी चालु तथा चालु प्रकृतिका खर्चतर्फ सात करोड ५३ लाख ४३ हजार, उक्त रकममध्ये चालु खर्चमा पदाधिकारी सेवा सुविधा, कर्मचारी तलव भत्ता लगायत कार्यालयको प्रशासनिक खर्च र सबै वडाको चालु खर्चमा छ करोड ५३ लाख ४३ हजार र चालु प्रकृतिका विभिन्न कार्यक्रममा एक करोड खर्च सार्वजनिक गरिएको छ ।
गाउ“पालिका अध्यक्ष फटिककुमार श्रेष्ठले प्रस्तुत गरेको नीति तथा कार्यक्रममा ४५ वर्षमाथिका बिधुर पुरुषलाई सामाजिक सुरक्षाभत्ताको व्यवस्था गर्ने, कृषि क्षेत्रमा एक घर एक करेसाबारी, पूर्णअपाङ्ग, अतिअशक्त, ८० वर्ष माथिका ज्येष्ठ नागरिक र प्रसुति हुन लागेका गर्भवतीलाई निःशुल्क एम्वुलेन्स सेवा उपलव्ध गराउने नीति तथा कार्यक्रम सार्वजनिक गरिएको छ ।

प्रतिक्रिया दिनुहोस




सन्चार सदन प्रालि, दिक्तेल खोटाङ

फोन: ०३६-४२०७००

इमेल: [email protected]

Copyright © 2023 - नमस्तेखोटांग डट कम - सर्वाधिकार सुरक्षित