गाजा कारोबारी पक्राउ

नमस्ते खोटाङ संवाददाता–
खोटाङ, फागुन २५–गाजा बेच्दै गरेको अवस्थामा दुई जना पक्राउ परेका छन् । हलेसी तुवाचुङ नगरपालिका–५ दुर्छिमको बतासेघाटस्थित गाजाको ब्यापार गरिरहेका हलेसी तुवाचुङ नगरपालिका–५ दुर्छिमकै ५१ वर्षीय युवराज राई र ३३ वर्षीय धिरज राई फागुन २३ गते पक्राउ परेका हुन् ।
पक्राउ परेका दुबै जनालाई छ दिनको म्याद थप गरी हिरासतमा राखेर थप अनुसन्धान बढाइएको प्रहरी नायव उपरीक्षक उमेश लम्सालले बताए । उनीहरुलाई हलेसीस्थित प्रहरी टोलीले पक्राउ गरेका हुन् । उनीहरुको साथबाट ३२ किलो चार सय ८५ ग्राम गाजा बरामत गरेको प्रहरीले जनाएको छ ।