कांग्रेस खोटाङका युवा नेता किशन भुजेल धरौटीमा छुटे

नमस्ते खोटाङ संवाददाता–
खोटाङ, असोज १-नेपाली कांग्रेस खोटाङका जिल्ला सदस्य किशन भुजेल धरौटी बुझाएर छुटेका छन् । गत भदौ २७ गते दिक्तेल रूपाकोट मझुवागढी नगरपालिका–६ नेर्पास्थित एक होटलमा तोडफोड तथा कामदार र सञ्चालकलाई समेत हातपात गरेको अभियोगमा पक्राउ परेका भुजेल दश हजार ५ सय रूपैयाँ धरौटी बुझाएर असोज १ गते तारेखमा छुटेका हुन् ।
भुजेललाई आगामी असोज १५ गते जिल्ला प्रशासन कार्यालय खोटाङमा उपस्थित हुन तारेख दिइएको जिल्ला प्रशासन कार्यालयले जनाएको छ । भुजेल विरुद्ध अभद्र व्यवहारमा मुद्दा दायर गरी अनुसन्धान बढाइएको थियो ।