श्रम संस्कृति पार्टीका नगरस्तरीय नेता पविन राई पक्राउ

नमस्ते खोटाङ संवाददाता–
खोटाङ, असोज १–श्रम संस्कृति पार्टीका नगरस्तरीय नेता ३६ वर्षीय पविन राई पक्राउ परेका छन् । उक्त पार्टीका दिक्तेल रूपाकोट मझुवागढी नगर कमिटी राई गत भदौं २६ गते पक्राउ परेका हुन् ।
उनी दिक्तेल रूपाकोट मझुवागढी नगरपालिका–६ नेर्पा भुल्के निवासी हुन् । उक्त नगरपालिका–७ दोर्पाचिउरीडाडाँका भीमबहादुर गुरुङलाई भदौ २ गते कुटपिट गरी फरार रहेका राईलाई पक्राउ गरी उनीमाथि डाका तथा ज्यान मार्ने उद्योगमा मुद्दा दर्ता गरी अनुसन्धान भइरहेको जिल्ला प्रहरी कार्यालय खोटाङका सूचना अधिकारी निराजन बस्नेतले बताएका छन् ।