फरार दोषी २९ वर्षपछि पक्राउ

  • प्रकाशित मितिः आश्विन 31, 2075
  • 347 पटक पढिएको
  • संवादताता

नमस्ते खोटाङ संवाददाता-
खोटाङ, असोज ३१–ज्यान मुद्दामा दोषी ठहरिएका फरार एक जना २९ वर्षपछि पक्राउ परेका छन् । जिल्ला अदालत खोटाङले २० वर्ष कैद फैसला सुनाएको हलेसी तुवाचुङ नगरपालिका–१ बाहुनीडाडा“का ६० वर्षीय चन्द्रबहादुर कार्की असोज ३० गते पक्राउ परेका हुन् । उनी लगायत चार जनाले २०४६ सालमा स्थानीय ढकबहादुर कार्कीको हत्या गरेको र जिल्ला अदालत खोटाङले २०५७ जेठ १७ गते २० वर्ष जेल सजाय सुनाएको थियो । उनीसंगै ज्यान मार्न संलग्न नरबहादुर भुजेल र केशव कार्कीले जेल भुक्तान गरी छुटिसकेको प्रहरीले जनाएको छ । अर्का एक जना भने अझै फरार रहेको प्रहरी नायव उपरीक्षक राजकुमार केसीले बताए । चन्द्रबहादुर कार्की बर्माको सिमाना नजिक भारतमा गाई पालन गरेर बस्दै आएका थिए । दसैं मनाउ“न सुनसरीको रामधुनी नगरपालिका–७ प“चायन आएको बेला पक्राउ परेका हुन् । उनलाई जिल्ला प्रहरी कार्यालय दिक्तेलमा राखिएको छ । दसैं बिदाले कार्यालयहरु बन्द भएको र खुलेपछि अदालतमा बुझाइने प्रहरीले जनाएको छ ।

 

प्रतिक्रिया दिनुहोस


Copyright © 2020 - नमस्तेखोटांग डट कम - सर्वाधिकार सुरक्षित