प्रहरी बिटबाटै मोटर साइकल चोरी गर्ने पक्राउ

नमस्ते खोटाङ संवाददाता
खोटाङ, फागुन १५–प्रहरी बिटमा राखिएको मोटरसाइकल चोरी गर्ने पक्राउ परेका छन् । को १० प ८१८५ नम्बरको मोटर साइकल चोरी गर्ने दिक्तेल रुपाकोट मझुवागढी नगरपालिका–१ दिक्तेलका २५ वर्षीय राजेश आचार्य फागुन १४ गते पक्राउ परेका हुन् ।
गत माघ २६ गते केपिलासगढी गाउ“पालिका–१ का नवधन राई दुर्घटनामा परेपछि उक्त मोटरसाइकल प्रहरी बिटमा छाडेका थिए । उक्त मोटरसाइकल फागुन ११ गते आचार्यले चोरी गरेको प्रहरीले जनाएको छ । मोटरसाइकलको नम्बर, सिटकभर समेत परिवर्तन गरेर चलाएको अवस्थामा फेला पारेको प्रहरी निरीक्षक सुरेश ठाकुरले बताए । आचार्यले को १० प ८१८५ नम्बरलाई बा ५८ ब २४५८ बनाएर चलाएको अवस्थामा फागुन १४ गते दिउसो साडे एक बजेतिर फेला पारेको प्रहरीले जनाएको छ । उनलाई मोटरसाइकल चोरी मुद्दामा केस चलाइने प्रहरी निरीक्षक ठाकुरले जनाए ।