डिएस्पीद्वारा उजुरी दर्ता गर्न आनाकानी

नमस्ते खोटाङ संवाददाता–
खोटाङ, फागुन ११–दिक्तेल रुपाकोट मझुवागढी नगरकार्यपालिका सदस्य गंगाबहादुर विश्वकर्माले आफूमाथि भएको कुटपिट तथा जातीय भेदभावको मुद्दा डिएस्पीले दर्ता गर्न आनाकानी गरिरहेको गुनासो गरेका छन् । नगरप्रमुख दीपनारायण रिजालका स्वकीय सचिव विकल्प राई र वडा नं ८ का वडाअध्यक्ष लीला चौहानले आफूमाथि कुटपिट तथा जातीय भेदभाव गरेको विषयमा जिल्ला प्रहरी कार्यालय खोटाङमा फागुन १० गते बुझाएको निवेदन प्रहरी नायव उपरीक्षक उमेश लम्सालले दर्ता गर्न आनाकानी गरिरहेको बताएका हुन् ।
नगरप्रमुख रिजालकै होटल शुभदिनमा वडाअध्यक्ष चौहान र राईले फागुन ५ गते बेलुकी हातपात गरेको विश्वकर्माले बताएका थिए । आफूमाथि हातपात, कुटपिट तथा जातीय विभेद गरेकाले कानुनी उपचार खोजेको विश्वकर्माको भनाई छ । यो विषयमा न्यायका लागि दिउसो ११ बजे प्रहरी कार्यालय जादा दिनभर डिएस्पी नभएको र बेलुकीपख जा“दा आजको लागि मुद्दा दर्ता गर्न नसक्ने बताएको विश्वकर्माले बताए । फागुन ११ गते पनि ‘एकै छिनमा आउ“छु भनेर डिएस्पी बाहिर निस्किनु भयो ।’ विश्वकर्माले भने–खासै मुद्दा दर्ता गर्ने छनक देखिएन ।’
डिएस्पी लम्सालले भने केही कुरा बुझेर दर्ता गर्ने बताए । ‘जाहेरी आउनेसाथ बुझ्दै नबुझी दर्ता गर्नु पर्छ भन्ने छैन ।’ लम्सालले भने–‘बुझेपछि दर्ता हुन्छ ।’