मोटरसाइकल दुर्घटनामा इन्जिनियरको मृत्यु

नमस्ते खोटाङ संवाददाता–
खोटाङ, फागुन ८–मोटर साइकल दुर्घटनामा परेर रावाबेसी गाउ“पालिकाका इन्जिनियरको मृत्यु भएको छ । ऐसेलुखर्क गाउ“पालिका–७ माक्पा घर भएका स्टाफको बहिनीको बिहेमा गएर फर्कने क्रममा प्रदेश ३–०–२–००७ प ५३३३ नम्बरको मोटर साइकल दुर्घटनामा परेर चितवनको भरतपुर महानगरपालिका–६ जगतपुरका ३० वर्षीय दिपक ढुङ्गानाको उपचारमा लैजाने क्रममा मृत्यु भएको हो ।
साथीको बहिनीको विहेबाट फर्कने क्रममा ऐसेलुखर्क गाउ“पालिका–७ माक्पाको बाक्चुवास्थित भीरबाट करिब दुई सय ५० मिटर तल खसेको गाउ“पालिका अध्यक्ष विश्वनाथ निरौलाले बताए । दुर्घटनापछि उपचारका लागि एम्बूलेन्स मार्फत काठ्माण्डौं लैजादै गर्दा हलेसी तुवाचुङ नगरपालिका–३ च्यास्मिटारको बोझेओढार पुगेपछि शनिबार राती मृत्यु भएको निरौलाले सुनाए । ढुङ्गाना ऐसेलुखर्क गाउ“पालिकाका हुलाश गुरुङले चलाएको मोटरसाइकलमा बसेका थिए । ढुङ्गानाको टाउको र छातीमा गहिरो चोट लागेको प्रहरी नायव उपरीक्षक उमेश लम्सालले बताए । चालक गुरुङलाई मोटर साइकल सहित नियन्त्रणमा लिइएको डिएसपी लम्सालले सुनाए ।