एमसीसी खारेजीको माग गर्दै नागरिक समाजले हस्ताक्षर बुझायो

नमस्ते खोटाङ संवाददाता–
खोटाङ, फागुन ४–एमसीसीको खारेजको माग गर्दै जिल्लास्थित नागरिक समाजले जिल्ला प्रशासन मार्फत प्रधानमन्त्रीलाई हस्ताक्षर बुझाएका छन् । एमसीसी राष्ट्रघाती भएकाले खारेज गर्नु पर्ने माग राख्दै फागुन ४ गते हस्ताक्षर संकलन गरेर बुझाएका हुन् ।

नागरिक समाजका अगुवाहरुले दिक्तेलबजारमा हस्ताक्षर संकलन गरेर सहायक प्रमुख जिल्ला अधिकारी विकल श्रेष्ठ मार्फत हस्ताक्षर बुझाएका हुन् । एमसीसीले मुलुकको स्वाधीनतामाथि खतरा पैदा गर्ने भएकाले त्यसलाई खारेजी गर्नु पर्ने माग राख्दै हस्ताक्षर बुझाइएको नागरिक समाजका अगुवा जयप्रसाद आचार्यले बताए ।