गृह मन्त्रालयले भन्यो–‘बुवालुङ अनियमितता बारे छानविन गर्नु’

नमस्ते खोटाङ संवाददाता–
खोटाङ, फागुन ३–दिक्तेल रुपाकोट मझुवागढी नगरपालिका–८ बुवालुङमा सञ्चालित योजनाहरुमा अनियमितता भएको विषयमा छानविन गर्न गृहमन्त्रालयले पनि जिल्ला प्रशासन कार्यालयलाई निर्देशन दिएको छ । सडक, विद्यालय, सामुदायिक वन, एकीकृत बस्ती, कृषि अनुदान लगायतका विकास काममा अनियमितता भएको भन्दै गृह मन्त्रालयमा समेत उजुरी परेपछि छानविन गर्न जिल्ला प्रशासन कार्यालय खोटाङलाई निर्देशन दिएको हो ।
प्रमुख जिल्ला अधिकारी फणिन्द्र दाहालका अनुसार १५ दिनभित्र छानविन गरी प्रतिवेदन पेश गर्न गृहले फागुन २ गते पत्र मार्फत छानविन गर्न निर्देशन दिएको प्रजिअ दाहालले बताए । उक्त वडाको मध्यपहाडी लोकमार्गदेखि वडा कार्यालयसम्म जानेबाटो, त्यहास्थित अन्नपूर्ण माविको सिडी र पर्खाल, खावाडाडा र उवाबारीस्थित एकीकृत वस्ती, त्यहास्थित सामुदायिक वन विनास, कृषि अनुदान लगायतमा अनियमितता भएको भन्दै जिल्ला प्रशासन कार्यालय, डिभिजन वन कार्यालय, अख्तियार लगायतका विभिन्न ठाउ“मा उजुरी परेको थियो । यसबारेमा जिल्ला प्रशासन कार्यालय खोटाङले सहायक प्रमुख जिल्ला अधिकारी विकल श्रेष्ठको संयोजकत्वमा छानविन समिति गठन गरी छानविन सुरु गरेको छ ।