खोटाङमा गोरु काटेको अभियोगमा तीन जना पक्राउ

नमस्ते खोटाङ संवाददाता–
खोटाङ, माघ २३–गोरु काटेको अभियोगमा तीन जना पक्राउ परेको छन् । दिक्तेल रुपाकोट मझुवागढी नगरपालिका–१२ जालपाका ३५ वर्षीय खगेन्द्र तामाङ, ३९ वर्षीय जयराम तामाङ र ४० वर्षीय गणेश तामाङ माघ २३ गते पक्राउ परेका हुन् ।
दिक्तेल रुपाकोट मझुवागढी नगरपालिका–२ सोल्माको मुढेस्थित दिखुवा भन्ने ठाउ“मा माघ २३ गते दिउसो करिब चार बजेतिर गोरु काटेर बेचिरहेको अवस्थामा उनीहरु पक्राउ परेको प्रहरी नायव उपरीक्षक उमेश लम्सालले बताए । उनीहरुको साथबाट गोरु काट्न प्रयोग गरिएको एक थान बन्चरो र चार थान खुकुरी पनि बरामत गरिएको जिल्ला प्रहरी कार्यालयका प्रवक्ता प्रहरी निरीक्षक सागर साहले बताए । उनीहरुलाई पक्राउपछि थप अनुसन्धान सुरु गरिएको डिएस्पी लम्सालले सुनाए ।