खोटाङका रामकुमार राई र राजन राई मन्त्री नियुक्त

नमस्ते खोटाङ संवाददाता–
खोटाङ, माघ २३–जिल्लाको दुवै क्षेत्रका प्रदेशसभा सदस्यद्वय रामकुमार राई ‘पासाङ’ र राजन राई प्रदेश १ का मन्त्री नियुक्त भएका छन् । नेकपा माओवादीका प्रदेश उपनेता तथा नेकपा माओवादी केन्द्रीय सदस्य समेत रहेका रामकुमार राई ‘पासाङ’ खानेपानी सिंचाइ तथा उर्जा मन्त्री र नेकपा एकीकृत समाजवादीका पोलिटब्युरो सदस्य तथा प्रदेशसभा सदस्य राजन राई प्रदेश १ का सामाजिक विकास मन्त्री नियुक्त भएका हुन् । मन्त्रीद्वयलाई प्रदेश १ का प्रमुख पर्शुराम खापुङले सपथ ग्रहण गराएका हुन् । प्रदेश १ मा माघ २३ गते विस्तार भएको सहित मन्त्रीको संख्या १३ पुगेको छ ।