खोटाङ बजारस्थित इलाका प्रशासन कार्यालयको सेवा बन्द

सविना अछामे–
खोटाङ, माघ ६–खोटाङ बजारस्थित इलाका प्रशासन कार्यालयका प्रमुखलाई कोरोना संक्रमण भएपछि कार्यालयको सेवा बन्द गरिएको छ । प्रमुख महनबहादुर राईलाई कोरोना संक्रमणपछि माघ ५ गतेदेखि अर्को सूचना जारी नभइन्जेलसम्म सेवा बन्द गरिएको हो ।
प्रमुख जिल्ला अधिकारी फणिन्द्र दाहालका अनुसार प्रमुखलाई नै कोरोना पुष्टि भएपछि सेवा बन्द गर्नु परेको हो । ‘अर्को सूचना जारी नभइन्जेलसम्मका लागि सेवा बन्द गरिएको हो ।’– प्रजिअ दाहालले भने ।