नेपाल आदिवासी जनजाति पत्रकार महासंघको अध्यक्षमा रामधन राई निर्वाचित

नमस्ते खोटाङ संवाददाता–
खोटाङ, मङ्सिर २६–नेपाल आदिवासी जनजाति पत्रकार महासंघ खोटाङको चौथो जिल्ला अधिवेशनले रामधन राईको अध्यक्षतामा जिल्ला कार्यसमिति गठन गरेको छ । मङ्सिर २५ गते जिल्ला समन्वय समिति खोटाङको सभा हलमा आयोजित अधिवेशनले उपाध्यक्षमा चिसाङ शेर्पा, सचिवमा संजीव राई, सहसचिवमा उमेश भुजेल र कोषाध्यक्षमा एन्जिला राई निर्विरोध निर्वाचित भएका छन् । सदस्यहरुमा कृष्णकुला राई, असल चरित्र राई, पूजा राना, जीवन राना, कला राई, तजिना मगर, कोशीकुमार राई र प्रवीण राई निर्बिरोध निर्वाचित भएका हुन् । त्यसैगरी प्रदेश प्रतिनिधिमा कृष्णकला राई, सुदीप राई, खिलन राई चयन भएका छन् । अधिवेशनले सूर्य तामाङ, संगीता राई र टिवन राईलाई केन्द्रीय प्रतिनिधिमा चयन गरेको छ । नेपाल आदिवासी जनजाति पत्रकार महासंघका केन्द्रीय सदस्य केदार मगरको प्रमुख आतिथ्य र नेपाल आदिवासी जनजाति महासंघ खोटाङका जिल्ला अध्यक्ष फुर्बा शेर्पाको विशेष आतिथ्यमा सम्पन्न भएको हो ।